專業咖啡知識交流 更多咖啡豆資訊 請關注咖啡工房（微信公衆號cafe_style ）

• 咖啡加牛奶

   

  天氣咁熱，整杯冰涼凍飲是常識吧？在咖啡店可以嗌杯凍Latte或者凍Cappuccino，屋企冇咖啡機可以點？今次教你用前街咖啡，加少少屋企都找到嘅配料，好簡單就可以製造消暑又好味嘅凍咖啡！

   

  1, 咖啡梳打

   

  現時流行有汽咖啡（nitro coffee），打入氮氣製作，令咖啡飲落似汽水般清爽解渴。其實自家制都得，加罐梳打水都有類似效果！衝好咖啡後，按個人口味加入梳打水，建議加1/4杯，加冰即飲得！

   

  2, 凍檸啡

   

  有茶餐廳都仍然供應，黑咖啡加入一至兩片檸檬，建議唔好似檸茶般狂篤檸檬，只需將檸檬切角，飲落有輕輕的檸檬香，唔會過酸蓋過咖啡味，鐘意甜可加入少許糖水，但記得千祈唔好加奶！

   

  3, 奶油咖啡

   

  凍咖啡與其直接加牛奶，不如邪惡少少，以奶油代替！奶油令咖啡更加香滑甜美，更可以灑上朱古力粉、糖粒等topping，立即有雪糕新地的感覺！唔使再加糖都夠味，仲有啲似出街飲添——